夏天到，屋企嘅冷氣又開始派上用場。不過，空調咁耐唔開梗係唔可以直接一開就用啦，咁點洗冷氣先至最work？，既保證健康衛生又乾淨清潔？今日就等我地傳授廿年嘅洗冷氣經驗，等大家屋企嘅冷氣可以耐用D。

點解清洗冷氣咁重要

冷氣無數次重複運行過程中，空氣夾雜大量塵埃和液態煙霧，用得耐自然就會層層包裹散熱片，嚴重堵塞散熱片之間微小空隙，影響散熱片散熱，從而導致冷凝器壓力升高。壓縮機馬達電流增大，執行時間延長，耗電量增加。

通常長時間用冷氣之後，製冷、制熱效果都會明顯地下降，仲可能會伴有一陣怪味。

清洗冷氣有兩個重要時機。一個係夏天來臨之際——因為夏天冷氣使用率急速上升，加上放咗一個冬天同春天之後，冷氣機入面積聚好多灰塵，呢個時候及時地清洗冷氣機，夏天長用冷氣先唔會對人體咁容易造成傷害。另一個係秋天來臨之際，經過一個夏天長期高速運轉，空調過濾網會積聚非常多“污糟嘢”，呢個時候唔洗走佢哋，下次你再開可能已經積到成尺厚。

冷氣保養秘笈

● 唔好頻繁開關機。

好多人以為房間溫度已達到自己要求，就經常又開又熄冷氣。冷氣熄机后，壓縮機的排汽側和吸汽側壓差大，如果3分鐘內立即啟動冷氣機容易造成系統損壞，唔好話機器，咁搞法人都壞啦。

● 唔用冷氣時應關電源，拔掉電源插頭。

真係驚唔記得嘅，咪用個鬧鐘lor。訓教或者出街，記得set翻個鬧鐘或者利用冷氣自帶嘅timer功能令冷氣限時內停止運轉，你對冷氣好，佢知架！

●冷氣溫度數避免過高或過低。

冷氣運行嘅時候留心調節溫度，避免過熱或過凍。好多人覺得好熱就起勢開行佢，又或者懶咁唔環保咁開到個溫度仲高過未開之前嘅室溫。呢d道理都唔洗教啦下嘛，做嘢太往兩頭走，蝕底嘅都係你自己。

●注意配件保養。

正所謂工欲善其事必先利其器，撐起冷氣機嘅就係入面睇落平平無奇嘅小配件，例如保護冷凝器與蒸發器的散熱片，唔好好保護佢哋，台冷氣嘅命都會短幾年。另外，仲要保護好製冷系統，如果唔係冷氣個“冷”字就要改名啦。正確選用保險絲都係好緊要。一定要按產品說明書標明額定電流去符合規格嘅熔斷絲，太大冇用，太細就經常會斷。

●切勿遮擋室外機吹風口。

如果室外機吹風口被嘢遮擋住，製冷或制熱效果會明顯降呢，開極都係曬電。呢度分享個經驗，利用風向調節（暖氣時風向板向下，冷氣時風向板保持水平），效果會好好多。